దేవ సంస్తుతి చేయవే మనసా

జీవమా, యెహోవా నీకుఁ జేసిన మేళ్లన్ మరవకు నీవు చేసిన పాతకంబులను మన్నించి జబ్బు లేవియున్ లేకుండఁ జేయును ఆ కారణముచే ||దేవ సంస్తుతి||

చావు గోతినుండి నిన్ను లేవనెత్తి దయను గృపను జీవ కిరీటముగ వేయును నీ శిరసుమీద జీవ కిరీటముగ వేయును ఆ కారణముచే ||దేవ సంస్తుతి||

యౌవనంబు పక్షిరాజు యౌవనంబు వలెనె క్రొత్త యౌవనంబై వెలయునట్లుగా మే లిచ్చి నీదు భావమును సంతుష్టిపరచునుగా ఆ కారణముచే ||దేవ సంస్తుతి||

ప్రభువు నీతి పనులు చేయున్ బాధితులకు న్యాయ మిచ్చున్ విభుండు మార్గము తెలిపె, మోషేకుఁ దన కార్యములను విప్పె నిశ్రా యేలు జనమునకు ఆ కారణముచే ||దేవ సంస్తుతి||

అత్యధిక ప్రేమ స్వరూపియైన ధీర్ఘ శాంతపరుండు నిత్యము వ్యాజ్యంబు చేయఁడు ఆ కృపోన్నతుఁడు నీ పయి నెపుడు కోప ముం చఁడు ఆ కారణముచే ||దేవ సంస్తుతి||

పామరుల మని ప్రత్యుపకార ప్రతి ఫలంబుల్ పంపలేదు భూమి కన్న నాకసంబున్న యెత్తుండు దైవ ప్రేమ భక్తి జనులయందున ఆ కారణముచే ||దేవ సంస్తుతి||

పడమటికిఁ దూర్పెంత యెడమో పాపములకును మనకు నంత యెడము కలుగజేసియున్నాఁడు మన పాపములను ఎడముగానే చేసియున్నాఁడు ఆ కారణముచే ||దేవ సంస్తుతి||

కొడుకులపైఁ దండ్రి జాలి పడు విధముగా భక్తిపరుల యెడల జాలి పడును దేవుండు తన భక్తిపరుల యెడల జాలిపడును దేవుండు ఆ కారణముచే ||దేవ సంస్తుతి||

మనము నిర్మితమయిన రీతి తనకుఁ దెలిసియున్న సంగతి మనము మంటి వారమంచును జ్ఞాపకముచేసి కొనుచు కఱుణ జూపుచుండును ఆ కారణముచే ||దేవ సంస్తుతి||

పూసి గాలి వీవ నెగిరి పోయి బసను దెలియని వన వాస పుష్పము వలెనె నరుఁడుండు నరు నాయువు తృణ ప్రాయము మన దేవ కృప మెండు ఆ కారణముచే ||దేవ సంస్తుతి||

పరమ దేవ నిబంధ నాజ్ఞల్ భక్తితోఁ గైకొను జనులకు నిరతమును గృప నిలిచి యుండును యెహోవా నీతి తరములు పిల్లలకు నుండును ఆ కారణముచే ||దేవ సంస్తుతి||