చింత లేదిఁక యేసు పుట్టెను
chinta leedinka yeesu puttenu
పల్లవి
చింత లేదిఁక యేసు పుట్టెను వింతగను బేత్లెహేమందునఁ చెంత జేరను రండి సర్వజనాంగమా సంతస మొందుమా ||చింత లేదిఁక||
1వ చరణం
దూత తెల్పెను గొల్లలకు శుభ వార్త నా దివసంబు వింతగా ఖ్యాతి మీరఁగ వారు యేసును గాంచిరి స్తుతు లొనరించిరి ||చింత లేదిఁక||
2వ చరణం
చుక్కఁ గనుగొని జ్ఞాను లెంతో మక్కువతో నా ప్రభుని గను గొన చక్కఁగా బెత్లెముపురమున జొచ్చిరి కానుక లిచ్చిరి ||చింత లేదిఁక||
3వ చరణం
కన్యగర్భమునందుఁ బుట్టెను కరుణగల రక్షకుఁడు క్రీస్తుఁడు ధన్యులగుటకు రండి వేగమె దీనులై సర్వమాన్యులై ||చింత లేదిఁక||
4వ చరణం
పాప మెల్లను పరిహరింపను పరమ రక్షకుఁ డవతరించెను దాపుఁ జేరిన వారి కిడుఁ గడు భాగ్యము మోక్షభాగ్యము ||చింత లేదిఁక||