క్రీస్తే సర్వాధికారి క్రీస్తే మోక్షాధికారి

ముక్తి విధాతనేత శక్తి నొసంగుదాత భక్తి విలాపశ్రోత పరమంబు వీడె గాన ||క్రీస్తే సర్వాధికారి||

దివ్యపథంబురోసి దైవంబు తోడుబాసి దాసుని రూపుదాల్చి ధరణి కేతెంచెగాన ||క్రీస్తే సర్వాధికారి||

శాశ్వత లోకవాసి సత్యామృతంపురాశి శాప భారంబు మోసి శ్రమల సహించెగాన ||క్రీస్తే సర్వాధికారి||

సైతాను జనము గూల్పన్ పాతాళమునకు బంపన్ నీతి పథంబు బెంప రుధిరంబు గార్చెగాన ||క్రీస్తే సర్వాధికారి||

మృత్యువు ముల్లు తృంపన్ నిత్యజీవంబు బెంపన్ మర్త్యాళిభయము దీర్పన్ మరణంబు గెలిచెగాన ||క్రీస్తే సర్వాధికారి||

పరమందు దివిజులైన ధరయందు మనుజులైన ప్రతి నాలుక మోకాలు ప్రభునే భజించుగాన ||క్రీస్తే సర్వాధికారి||

ఈ నామమునకు మించు నామంబు లేదటంచు యెహోవా తండ్రి యేసున్ హెచ్చించినాడు గాన ||క్రీస్తే సర్వాధికారి||