ఇడుగో గొఱ్ఱెలకాపరి సోదరులారా యిడుగో

చెదిరిపోయిన గొఱ్ఱెనై దొడ్డికిఁబోవ ముదములేనివాడనై మృదుమధురంపు నీ నాదమా లించక కర్త కొదిఁగి యుండక మూఢ హృదయుఁడనైతి ||ఇడుగో గొఱ్ఱెలకాపరి||

దూరంబునకుఁబోతిని జనకుని కృపా సారంబుఁ గొననైతిని కారు మూర్ఖపుపిల్ల గా సంచరించినా కూరిమి యిలుఁబాసి దారి దొలగిపోతి ||ఇడుగో గొఱ్ఱెలకాపరి||

తనదు గొఱ్ఱెను జూచెను బోయఁడు తండ్రి తనశిశువును గాంచెను కనికరమెదలో నిం డినవారలై నన్ను వన గిరికటకాదు లను వెంబడించిరి ||ఇడుగో గొఱ్ఱెలకాపరి||

ప్రాణావసర మప్పుడు యేకాకినై క్షీణించియున్నప్పుడు త్రాణార్థమగు నెనరు త్రాళ్లతో ననుగట్టి నాణెంబుగా(దెచ్చి నన్ను రక్షించెను ||ఇడుగో గొఱ్ఱెలకాపరి||

చెడుగు మెకములవల్లను బాధలనొంది కడుమలినమై యుండను కడిగి గాయములన్ని గట్టి శుభ్రముచేసి తడయక నాయింట నిడి నెమ్మది యొసంగె ||ఇడుగో గొఱ్ఱెలకాపరి||

ప్రభుయేసు నా బోయఁడు యీతఁడె భూమి నభము లేలెడి రాయఁ డు శుభమైన తనదివ్య శోణిత మొసఁగియ వ్విభుఁడు ప్రేమించి దీ వించి స్వస్థముఁజేసె ||ఇడుగో గొఱ్ఱెలకాపరి||

నన్ను దొడ్డిని బెట్టెను పోయినగొఱ్ఱె తెన్ను వెదకిపట్టెను సన్నంపు పచ్చిక యున్ను జీవనపూట లున్నుఁ గల్గెడిచోట్ల నన్నుంచి రక్షించె ||ఇడుగో గొఱ్ఱెలకాపరి||

నేను మూర్ఖపుగొఱ్ఱెనై లోబడకుంటి మానసమున వెర్రినై పూని యిప్పుడు కాచే వాని శబ్దము ప్రేమ తో నాలింపుచు దొడ్డి నానందముననుందు ||ఇడుగో గొఱ్ఱెలకాపరి||

చెడ్డబిడ్డనై యుంటిని యిటునటుబోవ నెడ్డెతనముఁ గొంటిని మెడ్డులేకిపుడు ప్రే మింతు నా ప్రియజనకు దొడ్డ శబ్దము వాంఛిం తును ముక్తి నిలయంబు ||ఇడుగో గొఱ్ఱెలకాపరి||