ఎంత గొప్ప బొబ్బ పుట్టెను

గలిబిలి గలిగె నొకప్పుడు శిన్యారు బాబెలు కట్టడము కట్టునప్పుడు పలుకు భాషయు నొక్క టైనను పలువిధములగు భాషలాయెను నలుదెసలకును జనులు పోయిరి కలువరి పై కలిసికొనిరి ||ఎంత గొప్ప||

పావనుండగు ప్రభువు మనకొరకై యా సిలువమీఁద చావునొందెడు సమయమందున దేవుఁడా నా దేవుఁడా నన్నేల చెయివిడిచితివి యనియా రావముగ మొఱబెట్టెను యె హోవయను దన తండ్రితోను ||ఎంత గొప్ప||

అందు దిమిరము క్రమ్ము గడియయ్యొ నా నీతి సూర్యుని నంత చుట్టెను బంధకంబులు నిందవాయువు లెన్నో వీచెను కందు యేసుని యావరించెను పందెముగ నొక కాటువేసెను పాత సర్పము ప్రభువు యేసును ||ఎంత గొప్ప||

శాంతమాయె నటంచుఁ బలుకుచును ఆ రక్షకుఁడు తన స్వంత విలువగు బ్రాణమును వీడెన్ ఇంతలో నొక భటుఁడు తనదగు నీటెతోఁ ప్రభు ప్రక్కఁ బొడువఁగ చెంతఁజేరెడి పాపులను ర క్షించు రక్తపు ధారఁ గారెను ||ఎంత గొప్ప||