రమ్ము పరిశుద్ధాత్మ దేవుఁడా మమ్మును

లోకయాత్ర చేయునప్పుడు చీ కాకుపడిన మాకు నీవె మార్గ దర్శివై వీఁక నొసఁగి మాకరంబుఁ జేకొని పరిశ్రమముఁబాపి సిలువఁ బడినవానికడకు త్సేకమూని మమ్ముఁజేర్ప ||రమ్ము పరిశుద్ధాత్మ||

భక్తవన వసంతదైవమా నీయందుఁ బ్రేమా సక్తివృద్ధిచేసి మనుపుమా ముక్తిదాత యేసువిభుని రక్తమహిమఁ దెల్పియఘ వి ముక్తులనుగఁజేసి మమ్ము యుక్తమార్గమందు నిలుప ||రమ్ము పరిశుద్ధాత్మ||

జీవితపుబాధ లెన్నియో పెనుఁబ్రోవులగుచు నావరించి మమ్ముఁ దా కిన మాకు నీవె హితుఁడవగుచు భావమిచ్చి భయముఁదీర్చి జీవ మైన యేసుపాద సేవకు మముసిద్ధపఱుప ||రమ్ము పరిశుద్ధాత్మ||

పలువిధంబులైన చింతలు చెలరేఁగి మమ్ము కలఁతపెట్టు నవసరం బున వలనుచెడిన మామనముల మలయు వ్యాకులతను మాన్పి వలయు నాదరణము నిచ్చు పలుకుదోడు వీవెయగుచు ||రమ్ము పరిశుద్ధాత్మ||

తొలిప్రవక్త లెంద రెందఱో నీ ప్రేరణమునఁ బలికినట్టి వేదమందునఁ గల నిగూఢ భావములను దెలుపు నొజ్జవీవెయగుటఁ దెలిపి వాని మమ్ము జ్ఞాన కలితమతులఁ జేయుకొఱకు ||రమ్ము పరిశుద్ధాత్మ||

సడలివాడిపోవుచున్న మా విశ్వాసలతను బలసమృద్ధి నుద్ధరించి మా యెడఁదశోధనములకతనఁ బొడము సంశయాంకురంబు లడఁచి ప్రేమఁ జ్యోతిమాలోఁ గడుస్థిరముగ వెలుఁగజేయ ||రమ్ము పరిశుద్ధాత్మ||

స్తుతులు నుతులు నీకెచెల్లుఁగా వుత యుగయుగంబు లతులభక్తిని న్నె కొలుతుము క్షితినివీడ మమ్ము మోక్ష గతికి నడిపి చేర్పుమయ్య మృతికి మృత్యువైనవాని వితతసింహపీఠిపైని ||రమ్ము పరిశుద్ధాత్మ||