మన యేసు మరణస్మా రణవిందులోఁబాలు

మరల మన మధ్యకా పరమాత్ముఁడరుదెంచ వఱకాయనను మనము మఱవకుండుటకై స్థిర భక్తి నద్దాని జరిగింపవలెనంచు గురుతరంబగు నాజ్ఞ నెఱపితాఁ జనెఁగాన ||మన యేసు||

తినుఁడిది యె నా దివ్య తనువంచు నొక రొట్టి యను వ్రచ్చి ప్రభుఁ డిచ్చె ననుబంధుతతికి ఘన శ్రద్ధదానిఁగై కొని మనము భుజియింప నొన గూడు జిరజీవ మనుమాన మిఁకనేల ||మన యేసు||

ఆ రీతి నిజరక్త ధారయై వెలయు ద్రా క్షారసము నిచ్చె నిం పార గొను డనుచుఁ గోరి యా మధుధారఁ గ్రోలిన మనకుక్షి దోరమౌ జీవంపుధార లుద్భవ మొందు ||మన యేసు||

ప్రభు భక్తి నెవఁడు దై వభయంబు లేక య నుభవించు వానిక శుభమౌ నా మీఁద విభవంబు దొలఁగురో గభయంబు చేకూరు శుభ మవ్వానికి నెపుడు లభియింపదని తెలిసి ||మన యేసు||

మిము మీరె తగురీతి గమనించి పరిశోధ నము చేసికొని మీ పాపము లోప్పుకొనుచు నమితార్తిఁబశాత్తా పముఁబొంది యీ విందు క్రమము బాటింప క్షే మము మీకు సిద్ధించు ||మన యేసు||

దురితాంధకార భా స్కరుఁడు సద్గురుఁడేసు పరమవిందున కిది యను ప్రాసంబని యెఱిఁగి ఉరణశాబకరక్త సరి దంతఃపరిపూతాం బరులైసత్కార్యత త్పరులై బంధురమతులై ||మన యేసు||