వెలుగును రక్షణ కర్తయునగునా బలమగు

అగాధ చీకటి జలముల నుండి అఖండమైన వెలుగు సృజించిన యుగయుగంబుల నేలెడి ప్రభువు యఘముల బాపి నను వెలిగించును ||వెలుగును రక్షణ||

నా దీపమును వెలిగించు ప్రభువే నా దరి చీకటిన్ వెలుగుగ మార్చును నా దోషము లెల్లను దన కాంతిలో నాదరముగ కడిగి రక్షించును ||వెలుగును రక్షణ||

పలువిధ శోధనల్ నను జుట్టినను విలువగు సంపద లంతరించినను వెలుగుదూత నాపై యురులొడ్డిన నలయక నిత్యము నడచెద వెల్గులో ||వెలుగును రక్షణ||

తల్లిదండ్రులు విడచినగాని యుల్లము భీతిని భయమందినను ఎల్ల ప్రజలు నను ద్వేషించినను ఎడబాయడునా ప్రియుడగు యేసు ||వెలుగును రక్షణ||

క్రీస్తు యేసుడే లోకపు వెలుగని వాస్తముగ గనుడి ప్రియులార శాశ్వతంబగు రాజ్యము చేర సత్వరమాయన వెలుగును బొందరె ||వెలుగును రక్షణ||