కొండల తట్టు నేఁ గోర్కెతోడ
kondala tattu neen goorketooda
కొండల తట్టు నేఁ గోర్కెతోడ నాదు కన్ను లెత్తెద నిప్పుడే దండియౌ సహాయ మెచటి నుండి నాకు వచ్చునో యండయౌ ప్రభునిచే స హాయంబు కలుగును ||కొండల తట్టు||
ఆయన భూమ్యాకాశము లన్నిటను సృజించెఁగా యాయన యికఁ దొట్రిల్ల నీయఁడు నీ పాదముఁ ||కొండల తట్టు||
నిన్నుఁ గాపాడు వాఁ డెన్నఁడును గున్కఁడు పన్ను గ నిశ్రాయేల్ గా పాడు వాఁడు కున్కఁడు ||కొండల తట్టు||
నీకు యెహోవాయే నిజముగాఁ గాపగు నీ కుడిప్రక్కను బ్రభుం డు నీకు నీడగా నగుఁ ||కొండల తట్టు||
ధాత్రిఁ బగు లెండ దెబ్బ రాత్రి వెన్నల దెబ్బయే మాత్ర మైనను నిన్ను మార్కొనంగఁ జాలవు ||కొండల తట్టు||
ఏ యపాయమును రా నీయకుండ నా యెహోవ పాయక నినుఁ గాచును నీ ప్రాణముఁ గాపాడును ||కొండల తట్టు||
మోదంబుతో నిది మొదలుకొని నిత్యమున్ నీదు రాక పోకలందు నిను యెహోవా కాచును ||కొండల తట్టు||
జనక కుమారాత్మకును ఘనత మహిమ కల్గును మును పిపుడెల్లప్పుడు యుగ ముల కగుఁ గా కామేన్ ||కొండల తట్టు||