నేను నీ వాఁడను దేవా

ఘనుఁడ వైన నీవు గలిగించితివి నన్ను మనుజ లోకమునందు నిను నేను సేవింప ||నేను నీ||

నాకు నవసర మౌన నానా వస్తువు లిచ్చి నీ కటాక్షము నన్ను నిల్పుచున్నది గాన ||నేను నీ||

నా దోషముల నుండి నన్ను రక్షింపను నీదు పుత్రుని ప్రేమ నిండార నొసగితివి ||నేను నీ||

నే నఘముల చేత నిజముగఁ జావఁగ నీ నెనరుచే నన్ను నీవు బ్రతికించితివి ||నేను నీ||

నా తనువు నాత్మయు నాకుఁ గల్గిన వన్ని నా తండ్రి యిచ్చితివి నాకు నీ కృప చేత ||నేను నీ||