దీవించు దేవా నీ బిడ్డలను

నీవే యీ గృహమునకు నిత్యతలపతివంచు నేవేళ నీ మనసు నెరిగి జీవింపగ ||దీవించు దేవా||

సంభాషణలవేళ సన్నిహితుడా నీకు సంబరంబును గూర్చు సద్వా క్కులను బలుక ||దీవించు దేవా||

భోజన సమయమున భూరి ప్రేమతో నిన్ను పూజ్యుండౌ యతిధిగ పూజసల్పుచు బిలువ ||దీవించు దేవా||

ఇరుగుపొరుగులనెల్ల పరవారివలెగాక పరమాత్మనీసుతుల వలె జూచి ప్రేమింప ||దీవించు దేవా||

అనుదిన ప్రార్థన లందు శ్రద్దాభక్తు లను జూపి క్రైస్తవ యనుభవంబుల నొంద ||దీవించు దేవా||

క్రైస్తవగృహ విధులే గృహమున నెరవేర విస్తారమగు కృపను వీర లందరి కొసగి ||దీవించు దేవా||

ఆయురారోగ్యంబు లాత్మైశ్వర్యములిచ్చి ఈ యూర వీరు నీకింపగు సాక్ష్యము నియ్య ||దీవించు దేవా||