అదిగదిగో అల్లదిగో కల్వరి మెట్టకు

గెత్సేమను ఒక తోటదిగో ఆ తోటలో ప్రార్ధన స్థలమదిగో (2) అచటనే యుండి ప్రార్ధించుడని పలికిన క్రీస్తు మాటదిగో (2)       ||అదిగదిగో||

శిష్యులలో ఇస్కరియోతు యూదాయను ఒక ఘాతకుడు ప్రభువును యూదులకప్పగింప పెట్టిన దొంగ ముద్దదిగో లేఖనము నెరవేరుటకై ఈ లోకపు పాపము పోవుటకై పావనుడేసుని రక్తమును గల ముప్పది రూకల మూటదిగో చలి కాచుకొను గుంపదిగో ఆ పేతురు బొంకిన స్థలమదిగో మూడవసారి బొంకిన వెంటనే కొక్కొరొకోయను కూతదిగో యూదుల రాజువు నీవేనా మోదముతో నీవన్నట్లే నీలో దోషము కనుగొనలేక చేతులు కడిగిన పిలాతుడాడుగో గొల్గొతా స్థల అద్దరిని ఆ ఇద్దరు దొంగల మధ్యమున సాక్షాత్తు యెహోవా తనయుని సిలువను వేసిరి చూడదిగో గొల్లున ఏడ్చిన తల్లదిగో ఆ తల్లికి చెప్పిన మాటదిగో యూదుల రాజా దిగి రమ్మనుచు హేళన చేసిన మూకదిగో దాహము గొనుచున్నాననుచు ప్రాణము విడిచెను పావనుడు పరిశుద్ధుడు మన రక్షకుడేసు మన మది యేమో గమనించు