చేరి భుజియింపుడీవిందు యేసు సిద్ధపరచిన
cheeri bhujiyinpudeevindu yeesu siddhaparachina
చేరి భుజియింపుడీవిందు యేసు సిద్ధపరచిన కృపావిందు తోరణంబగు మేడ గదిలో జేరి శిష్యుల తోడ సిలువ భారమున్ మదినెంచి నెరపిన భావ గర్భితమైన విందు ||చేరి భుజియింపుడీవిందు||
జీవాహారము దైవసుతుడే పరమ జీవజలముల దాత యితడే జీవనాధుని రక్త మేనులు జీవానాహారములు కాగా చావును దొల గించి మృతులస జీవులనుగా మార్చువిందు ||చేరి భుజియింపుడీవిందు||
కారుణ్యనిధి యేసు రాజు నరుల గావగ బలియైన రోజు భారమైన సిలువ కెరయై పాప భారము పరిహరింప ధారవోసిన పుణ్యరక్తపు ధారలన్ దలపోయు విందు ||చేరి భుజియింపుడీవిందు||
దాసగణముల బ్రోవనెంచి రుధిర ధారలను గార్చిభరించి భాసు రంబగు నవ నిబంధన జేసి సంఘ పునాది వేసి వాసి మీరగ నిత్య జీవము బోసినట్టి యేసు విందు ||చేరి భుజియింపుడీవిందు||
పాప పరిహారార్థముకై క్రీస్తు పడిన ఘోరబాధ కొరకై యేపు దనరగ స్తుతులుబాడుచు యేసునాధుని రాకవరకు ఆపకుండగ సత్ప్రసాదము నందుకొని బలమొంద రండి ||చేరి భుజియింపుడీవిందు||
విందుతో మొదలిడిన సేవ యేసు విందుతో ముగియించె బ్రోవ విందులోగల మర్మమేదియొ విపులముగ బోధించు క్రీస్తున్ డెందమున ధ్యానించి యాయన యందె నమ్మిక గలిగియుందము ||చేరి భుజియింపుడీవిందు||