దారుణ మగు మరణ వారిధి దాఁట నె వ్వారి శక్యము సోదర ఘోర మగు కెరటములవలె వి స్తారముగ నేరములు పైఁగొని పారు చుండునప్పు డద్దరిఁ జేరు టెట్లు దారిఁ గనరే ||దారుణ మగు||
ఒక్క పెట్టున నెగసి చక్క వెల్ళుద మన నీ రెక్క లక్కఱకు రావు ఎక్కడైనను నోడ గనుఁగొని యెక్కిపోద మని తలంచినఁ జెక్క నిర్మతమైన యోడ లక్కఱకు రావేమి సేతుము ||దారుణ మగు||
మంగళ ధ్వనులతో శృంగారపురము వె లుంగుచున్నది ముందట పొంగి పారుచు మరణ నది త రంగములఁ జెలంగుచున్నది భంగపడకుఁడి మనకు క్రీస్తు సువార్తయను పెను నావ యిదిగో ||దారుణ మగు||
వాద రహితుండైన యాది దేవుఁడు దాని నాధుం డనం బరఁగును బాధ లొందిన నరుల నందరిఁ జేరఁదీసిన క్రీస్తు యేసు నాధుఁడే నావి కుఁ డు క్రైస్తవ వేదమే చుక్కాని దీవికి ||దారుణ మగు||
మానవు లందరు మరణాంబుధిని దాఁట మహనీయ మగు నావ యిదె దీనిలో నెక్కుటకు ముందే మానుగ వాక్యమును విని సు జ్ఞాన మొందినవారు క్రైస్తవ స్నాన మను పత్రికను బొందరె ||దారుణ మగు||
విదితంబుగా నిందు విజ్ఞాన బోదకుల్ వినిపించుదురు వాక్యముఁ గొదగొనిన యాత్మములు తృప్తిఁ గొనును బ్రభు భోజనములోనే హృదయములలో దేవునాత్మ యెపుడు దీపంబై వెలుంగును ||దారుణ మగు||
పలువిధ సంగీత ములతో సాగుచు మనము నలయ కుండఁగఁ బోదు ము బలముగల యీ యలలు దాఁటి పరమ పురద్వారముల వెలుపల గలిసికొని పరిశుద్ధ జనమును గడకు మోక్షము చేరుకొందుము ||దారుణ మగు||
కరుణామయుని సభలోఁ జొరకపోయిన నిత్య నరక మంత మందున మరియు నంత్య దినపు బాధలు విరివిగ వినఁ గోరువారలు మరణ మొందక మును ప్రత్యక్షీ కరుణ మను గ్రంథమను వినరే ||దారుణ మగు||