దేవా దీవించు మిప్పుడు దీన జనాళిన్ గావ రా రమ్మెల్లప్పుడు నీ వరగద్దెచుట్టు నిజ దాసు లిటులఁ గూడి పావన సంస్కారమును బంచి పాలొందుచుండ ||దేవా దీవించు||
మముఁ గావ నైదు గాయముల్ బొందిన దేవ సముఁడా నీ రక్త కాయముల్ విమలింపు భక్తి ద్వారా వీక్షించి మనసులందు అమిత దుః ఖ మొందుటచే నలిగిన భక్త జనులన్ ||దేవా దీవించు||
నీ రాజ్యమునకు మముఁ జేర్ప నిజము మా పాప ఘోర శాపమ్ములన్ దీర్ప నోరిమిచే మా కొరకు దారుణముగ నొందిన క్రూర మరణమును దలఁచి కుములుచున్న హృదయులను ||దేవా దీవించు||
కోరి నినుఁ గొలుచు భక్తుల కోరిక లభివృద్ది గా రాజిలఁజేయు శక్తుల ధారాళముగ నొసంగు ధనాత్ముండ నీ దివ్యా కార మందుండి యీ సం స్కార సమయమున మమ్ము ||దేవా దీవించు||
మా దారిద్ర్యములు బాపనే పాపభారంపు మ్రాను నీ దివ్య మూపుననే గాదిలిచే భరియించి గడి దొంగ లిరువురిలో బాధ లొందితి వనుచు బహుగా దుఃఖించు మమ్ము ||దేవా దీవించు||
నీ వీ విధంపు మరణముచే నిజముగా మమ్ము జీవింపఁజేసి నిల్పుటచే పావనదేవ మే మీ ప్రభు సంస్కారమ్ము మా మా జీవాత్మ లాదరణకై జే మనముగఁ గైకొనను ||దేవా దీవించు||