ద్రాక్షావల్లిని నేను ద్రాక్షాతీగెలు మీరు

నాయందుండని తీగె నాశనమొందును నిజము నాశనమొందక మీరు నాయందుండుడి ఫలియింపన్ ||ద్రాక్షావల్లిని నేను||

ఫలముల నివ్వని తీగె పనికిరాదని నరికి పారవేయంబడును నిరతము తధ్యము నిప్పులలో ||ద్రాక్షావల్లిని నేను||

ఫలించు ప్రతి తీగె ఫలముల పెక్కుగ నివ్వన్ పరిశుద్ధి చేయబడున్ యెఱుగరే మీరది అనవరతం ||ద్రాక్షావల్లిని నేను||

నాయందుండినగాని నయమగు కాపుండదిలన్ నాయందుండిన వాడు నాణ్యపు ఫలములనిచ్చు నాహా ||ద్రాక్షావల్లిని నేను||

మీరు యేదియు చేయ లేరు నాకు వేరై వేరుగ మీరుండినచో వెంటనే యెండిపోయెదరు ||ద్రాక్షావల్లిని నేను||

కాన యేసుని యందు మానకనుందుము స్వేచ్ఛన్ మాన్యుడేసుని పలుకుల్ మదిదలచెద మిల మరువకను ||ద్రాక్షావల్లిని నేను||