ఎన్ని తలచినా ఏది అడిగినా - జరిగేది నీ చిత్తమే ప్రభువా

నీ తోడు లేక నీ ప్రేమ లేక - ఇలలోనా ఏ ప్రాణి నిలువలేదు (2) అడవిపూవులే నీ ప్రేమ పొందగా (2) నాప్రార్ధన ఆలకించుమా ప్రభువా - నాప్రార్ధన ఆలకించుమా ||ఎన్ని||

నా ఇంటి దీపం, నీవేయని తెలసి - నా హృదయం నీ కొరకు పదిల పరచితి (2) ఆరిపోయినా నావెలుగు దీపము (2) వెలిగించుము నీ ప్రేమతో ప్రభువా - వెలిగించుము నీ ప్రేమతో ||ఎన్ని||

ఆపదలో నన్ను వెన్నంటి యున్న - నాకాపరివై నన్ను ఆదు కొంటివి లోకమంతయు నన్ను విడచినా (2) నీ నుండి వేరు చేయవు ప్రభువా - నీ నుండి వేరుచేయవు ||ఎన్ని||

నా స్థితి గమనించి నన్ను ప్రేమించి - నా కొరకై కలువరిలో యాగమైతివా నీదు యాగమే నా మోక్ష మార్గము (2) నీ యందే నిత్య జీవము ప్రభువా - నీయందే నిత్య జీవము ||ఎన్ని||