ఇదియే అనుకూల సమయము నీకు - ఘన రక్షణ దినము
అను పల్లవి: ఆటంకము లేక యేసు నంగీకరించి - చాటెద మెల్లడలన్
1. ఆయన రాకడ బహు సమీపమని - వాక్యము వ్రాసియున్నది
వంచకుల దుష్టకార్యములప్పుడు - బహిరంగ పరచబడున్
2. మత్తయి యిరువది నాలుగవ అధ్యాయము మార్కు పదమూడును
లూకా యిరువదియొకట వధ్యాయము - చూడ ముగింపు తెలియున్
3. యుద్ధములు భువి జరుగుచు నున్నవి - దైవచిత్తము జరుగున్
మరణముల సంఖ్య హెచ్చుచున్నది - నగరులు వణికెడును
4. దేవుడు రాగా నాకము మారును - భూమి దహనమగును
నీళ్ళు సముద్రము లింకిపోవు - యేసు తిరిగి రాగన్
5. విశ్వాసులందరు నిల్చుట నిజము - దేవుడేసుని వాక్యము
వెలలేని రక్షణ కల్గు సంపాద్యము - సంశయులకు లేదు
6. కాలము వ్యర్థము చేయకు ధరలో - కర్మముపట్టుకొనకు
పాపమున్ ప్రేమతో పట్టియుంచకు - శాపము కౌగిలింపకు
7. హల్లెలూయా పాడియెల్లరకు తెలుప - నెల్లరతో కూడను
త్వరగా రాబోవు యేసును సంధింప - ఆయత్త పడుము వేగ
idiyee anukoola samayamu neeku - ghana rakshana dinamu
anu pallavi: aatankamu leeka yeesu nangeekarinchi - chaateda melladalan
1. aayana raakada bahu sameepamani - vaakyamu vraasiyunnadi
vanchakula dushtakaaryamulappudu - bahiranga parachabadun
2. maththayi yiruvadi naalugava adhyaayamu maarku padamoodunu
lookaa yiruvadiyokata vadhyaayamu - chooda muginpu theliyun
3. yuddhamulu bhuvi jaruguchu nunnavi - daivachiththamu jarugun
maranamula sankhya hechchuchunnadi - nagarulu vanikedunu
4. deevudu raagaa naakamu maarunu - bhoomi dahanamagunu
neellllu samudramu linkipoovu - yeesu thirigi raagan
5. vishvaasulandaru nilchuta nijamu - deevudeesuni vaakyamu
velaleeni rakshana kalgu sanpaadyamu - sanshayulaku leedu
6. kaalamu vyarthamu cheeyaku dharaloo - karmamupattukonaku
paapamun preemathoo pattiyunchaku - shaapamu kaugilinpaku
7. hallelooyaa paadiyellaraku thelupa - nellarathoo koodanu
thvaragaa raaboovu yeesunu sandhinpa - aayaththa padumu veega