Kalathalathoo Nindinaa Kala Chedaripooyinaa (కలతలతో నిండినా కల చెదరిపోయినా)

పల్లవి

కలతలతో నిండినా - కల చెదరిపోయినా కన్నీరే మిగిలినా - కలవరపడకు శత్రువులే తరిమినా - నీ వారే గెంటినా అంతా కోల్పోయినా - కలవరపడకు (2) నమ్మదగిన దేవుడు - యేసయ్యేగా ఆదరించె నాధుడు - ఆ ప్రభువేగా (2) దిగులు చెందకు - భయమునొందక (2) ||కలతలతో||

1వ చరణం

నీ కష్టము నీ నష్టము - ఎరుగకుండనే సూటిపోటి మాటలతో - గాయపరచిరా నీకంటూ విలువన్నది - ఇవ్వకుండనే నీ జ్ఞానము వెర్రిదని - త్రోసివేసిరా (2) దేవుడే చూసాడు - నీ నిందలను ఆయనే తీర్చును - నీ బాధలను (2) ||నమ్మదగిన||

2వ చరణం

ఈ భారము ఈ బంధము - మోయలేనని మరణానికి మార్గమును - ఎంచుకుంటివా కలకాలము జీవించే - తోడు లేదని గతమంతా తలచుకొని - కుమిలిపోతివా (2) యేసే నీ తోడై - నడిపిస్తాడమ్మా ప్రేమతో నిన్ను - చేరదీస్తాడమ్మా (2) ||నమ్మదగిన||