కల్వరిలోని శ్రేష్టుడా కరుణభరిత సింహమా

స్తుతికి పాత్రుండగువాడా దూతలతో వేంచేయువాడా సుదతి మరియ పుత్రుడా సిలువలోని మిత్రుడా ||కల్వరిలోని శ్రేష్టుడా||

పాపులకై వచ్చినవాడా ప్రేమగల్గిన రక్షకుడా పాదములపై బడితిమి సిలువలోనిమిత్రుడా ||కల్వరిలోని శ్రేష్టుడా||

దీవెనలు నిచ్చువాడా వసుధ కేతెంచినవాడా నీవే సుంకరలాప్తుడవు సిలువలోని మిత్రుడా ||కల్వరిలోని శ్రేష్టుడా||

ఐదు రొట్టెలు మరి రెండు చేపలతో నైదువేల జనుల పోషించిన తండ్రి సిలువలోని మిత్రుడా ||కల్వరిలోని శ్రేష్టుడా||

నీళ్ళను రసముగ మార్చితివి నీళ్ళమీద నడచితివి మేళ్ళనొసగు మాదాతా సిలువలోని మిత్రుడా ||కల్వరిలోని శ్రేష్టుడా||

రోగులను బాగుచేయువాడా గ్రుడ్డికి నేత్రములిచ్చితివి అనాధుల నాయకుడా సిలువలోని మిత్రుడా ||కల్వరిలోని శ్రేష్టుడా||

హల్లెలూయ కర్హుడా యెల్లరు కొనియాడువాడా బలముతో వచ్చు రాజా సిలువలోని మిత్రుడా ||కల్వరిలోని శ్రేష్టుడా||