కొనియాడఁ దరమె నిన్ను కోమల

ఖెరుబులు సెరుపులు మరి దూతగణములు నురుతరంబుగఁ గొలువ నొప్పు శ్రేష్ఠుఁడ వీవు ||కొనియాడఁ దరమె||

సర్వలోకంబులఁ బర్వు దేవుఁడ వయ్యు నుర్వి స్త్రీ గర్భాన నుద్భవించితి వీవు ||కొనియాడఁ దరమె||

విశ్వమంతయు నేలు వీరాసనుఁడ వయ్యుఁ పశ్వాళితోఁ దొట్టిఁ పండియుంటివి నీవు ||కొనియాడఁ దరమె||

దోసంబులను మడియు దాసాళిఁ గరుణించి యేసు పేరున జగతి కేగుదెంచితి నీవు ||కొనియాడఁ దరమె||

నరులయందునఁ గరుణ ధర సమాధానంబు చీకాలమును మహిమ పరఁగఁ జేయుదు వీవు ||కొనియాడఁ దరమె||

ఓ యేసు పాన్పుగ నా యాత్మఁ జేకొని శ్రేయముగ బవళించు శ్రీకర వరసుత ||కొనియాడఁ దరమె||