కూడికొని యున్నాము సంఘ ప్రభో

ఎచట నా ప్రియ భక్తులెలమిఁ గూడియున్న నచటికి నేతెంతునని పల్కితి విచట నుండు మమ్ము వీక్షించి కృపచేత నిపుడు దీవించు మీ యేసు క్రీస్తునాధా ||కూడికొని యున్నాము||

గత కాలమందున గాని చేఁతలచే దుర్గతి నొంది యుండఁగాఁ గనుఁగొంటివి శత సంఖ్య గల పాపచయ మీవు క్షమియించి యతి శాంతి నిడితివి యాత్మస్వరూపా ||కూడికొని యున్నాము||

నిరతము నీ ప్రేమ నెనరున ధ్యానించి పరమ ధర్మములందుఁ బరతఁ గల్గి యరులకు శుభములు నిరతంబుఁ జేయఁగఁ దిరత మా కొసఁగుము దేవుని ప్రియ తనయా ||కూడికొని యున్నాము||

అన్ని శోధనముల నన్ని విపత్తుల నన్ని కాలములందు నాదరించి నిన్ను నమ్మిన జనుల నీ సందిటను జేర్చి పన్నుగఁ గాపాడు ప్రభు యేసు క్రీస్తు ||కూడికొని యున్నాము||

అమలుఁడ నగు నన్ననుకరించుండనుచు నాన తిచ్చినాఁడ వాత్మజులకు నమల మార్గము నందు నరుగంగ మాకీవు విమలాత్మ దయసేయు వేగంబు మా తండ్రీ ||కూడికొని యున్నాము||