లేచు దినము వచ్చును మృతు లెల్ల నికఁ లేచు దినము వచ్చును వేచి యిల నున్నట్టి విమలు లెల్ల నడుపు లేచి ప్రభుని నెదురు కొందు రానందముతో ||లేచు దినము||
యేసు మేఘారూఢూండై యిలకు దిగ వాసిగ దూత లపుడు భాసురంబుగ బాకా పై నినాదము సేయ గ సమాధుల నిద్రగాంచు జనులెల్లరు ||లేచు దినము||
కడబూర ధ్వని సేయఁగ మడిసిన వారు తడవు సేయక లేతురు ఎడతెగక ప్రభు నొద్దఁ గడు సంతసంబుతో విడువక యుందు రా విమల లోకమునందు ||లేచు దినము||
ఘన మహిమన్ బ్రభువు రాఁగన్ గడలి యపుడు తన యందుండెడి శవములన్ ఘనముగఁ గాననము దనయందుండెడు మృతులన్ వినయంబుతో దెచ్చి విభుని కప్పగింప ||లేచు దినము||
అరయంగ నీతపరు లా నందమున న క్షర దేహులై వెలయుచున్ జిరత రానందంబు బరలోకమున నెపుడు స్ఫురిత జీవను లగుచుఁ బరమ సుఖ మొందుదురు ||లేచు దినము||
కరుణ లేని సమాధీ నిరతము నన్నుఁ జెరపట్టి యుంచగలవే వరదుండు క్రీస్తుండు వర దూత సేనలతోఁ బరివేష్టితుఁడై యదిగో నరుదెంచుచున్నాఁ డు ||లేచు దినము||
మరణమా నీ ముల్లేది నరులను నింక వెఱపించు చుండగలవే మరణ సంహారుండు మహిమతో నరుదేరన్ మరణం బడుగుబడి య మర త్వంబిఁక నుండున్ ||లేచు దినము||
మరణంబు నొందలేదా ప్రభు యేసు నీ చెఱయందు నుండలేదా పరమేశు తనయుండు మరణ సమాధులన్ పరిపూర్ణముగ గెల్చి చెఱను జెరగపట్టెను ||లేచు దినము||
మంగళములు పాడరే క్రీస్తుకు జయ మంగళములు పాడరే మంగళములు పాడి మంగళ ప్రదుఁడైన శృంగార రాజునకు సంగీతంబులతోడ మంగళములు పాడరే ||లేచు దినము||
Lyrics are provided for reference only. All rights belong to respective owners. If you are a copyright holder and wish to request removal, please contact us.