Naa Jeevitha Kaalamantha Ninu Keerthinchina Chaalunaa (నా జీవిత కాలమంత నిను కీర్తించిన చాలునా)

పల్లవి

నా జీవితకాలమంత నిను కీర్తించిన చాలునా నా సమస్త సంపద నీకిచ్చిన చాలునా యేసు నీదు మేలులకై నే బదులుగా ఏమిత్తును నా దేహమే యాగముగా అర్పించిన చాలునా ||నా జీవిత||

1వ చరణం

నా బాల్యమంతా నా తోడుగ నిలిచి ప్రతి కీడు నుండి తప్పించినావు యవ్వనకాలమున నే త్రోవ తొలగిన మన్నించి నాతోనే కొనసాగినావు ఎన్నో శ్రమలు ఆపదలన్నిటిలో నను దైర్యపరిచి నను ఆదుకున్నావు యేసు నీవే నీవే యేసు... నీవే నా సర్వస్వమూ ||నా జీవిత||

2వ చరణం

కన్నీటి రాత్రులు నే గడిపిన వెంటనే సంతోష ఉదయాలు నాకిచ్చినావు హృదయాశలన్ని నెరవేర్చినావు యోగ్యుడను కాకున్న హెచ్చించినావు ఎంతో ప్రేమ మితిలేని కృపను నాపై చూపించి నను హత్తుకున్నావు యేసు నీవే నీవే యేసు... నీవే నా ఆనందమూ ||నా జీవిత||