నీ కన్న నిఁక వేరే

నిన్నుఁ దెలియక మున్ను నన్య దైవంబుల ననుసరించిన పాపము లన్ని పెనగొని నాదు హృదయపుఁ గన్ను ఁ గ్రమ్మి ప్రకాశ మియ్యక యున్న నీ విమలాత్మ వరమున నన్ను వెలిగిఁచిన దయానిధి ||నీ కన్న||

వదలక నేఁ జేయు తుద లేని పాపము వదలించి ననుఁ బ్రోచితి తుదిదినంబునఁ గలుగు బాధలుఁ దొలఁగ జేయుట నీవ యని నా హృదయమందున నా నిరీక్షణ పదిలపరచిన భక్త పాలక ||నీ కన్న||

నీ వాక్యార్థము నాలో నివసింపఁ జేసి నీ సేవకునిగఁ బ్రోవవే నీవె సత్యము నీవె జీవము నీవె మార్గము నీవె ద్వారము నీవు గాకిం కెవరు లేరు కావవే నను యేసునాయక ||నీ కన్న||