పాడుదును క్రీస్తు పేర పదము నెంతో వేడుదు నా దివ్యాగురు నివ్విధముఁ జూడఁజూడ మదిలో నెంతో వేడుకగా మీఱె వింత ఱేడుఁ బోలినవా డిహ లేఁడు లేఁడందు నహహా ||పాడుదును క్రీస్తు||
పెక్కు పాపములలోన మణఁగి నాదు తక్కువ బుద్ధిచే నందణఁగి దిక్కు గానక నుండు వేళ దిక్కయి చనుదెంచి మరల గ్రక్కున కరముఁ జూచి చక్కికిఁ జేర్చి ప్రోచె ||పాడుదును క్రీస్తు||
మోసపు లోక వాంఛలను వట్టి యాశలతోఁ గూడికొన్న కలలు రోసితిఁ గాన వాని యేసుతోఁ గూడుకొంటి వీసమైనను లేమి లేశము లేదనుస్వామి ||పాడుదును క్రీస్తు||
పాయ నెన్నటికిని వాసిగాఁ బాస త్రోయను త్రోయను యని చేసెగా రోయక న న్నావిభుఁడు సాయమై రక్షించు నెపుడు నా యనీతి భయములు మాని యాయనే జయంజయమని ||పాడుదును క్రీస్తు||
చాలు చాలు పాపమా నీ చెలిమి నిత్య కాలము గలిగించు మృత్యుకలిమి యేలికైన నాయిమ్మాను యేలు నాయందు దయను మేలిమి నగుపరచినట్టి జాలినేఁ గంటిఁ గాన ||పాడుదును క్రీస్తు||
ధరలో దేనికి భయపడను ఎట్టి తరుణమైనను చేయి విడను కరుణామయుండు నన్ను కరుణ నేర్పరచి మున్ను మరణమందును వాని శరణం నాశరణమని ||పాడుదును క్రీస్తు||