పరిశుద్ధాత్ముఁడ దేవ! ప్రభువా నీ
parishuddhaathmumda deeva! prabhuvaa nee
పరిశుద్ధాత్ముఁడ దేవ! ప్రభువా నీ కరుణ మా పైన వర్షించు మయ్య వరుఁడా నీ భక్తుల మనముల నాత్మల బలపర్చి రక్షించి మరి స్వస్తి నిడు మయ్య ||పరిశుద్ధాత్ముఁడ దేవ!||
బలమౌ నీ వెలుఁగుచే బలు దేవ భాషల ప్రజల కందర కైక్యముఁ గలిగించి విశ్వాస మున వారి నొనఁగూర్చి వెలయుచుండెడు నీకే విన తుల్ సల్పుదు మయ్య ||పరిశుద్ధాత్ముఁడ దేవ!||
బలమౌ దుర్గమా మిగుల పావనంబగు వెలుఁగా! ప్రభువా దేవుని జ్ఞానము కలిగించి మదితోడఁ బిలువఁ దండ్రీ యంచు వెలుగు సత్య మునౌ నీ బల వాక్య మిడు మాకుఁ ||పరిశుద్ధాత్ముఁడ దేవ!||
విపరీత బోధలను వేరౌ బోధకులను విడువ మా కిడు సాయము కృప నొప్పు యేసే మా గురు వంచు మది నమ్మి యపనమ్మికను మాని యవనిం బ్రతుక నిమ్ము ||పరిశుద్ధాత్ముఁడ దేవ!||
పరిశుద్ధతకు నూటా నెర నెమ్మదికి కర్తా జరిగింప నీ యాజ్ఞలన్ త్వర నొందు చరణములు స్థిర డెందమును నిమ్ము పరిశోధనలు గలుగ భయమొంద నీయకుము ||పరిశుద్ధాత్ముఁడ దేవ!||
మరణ జీవంబు ల స్థిర యోధులను బోలి పరుగెత్త నీ దారినే తిరతఁ దప్పిన వేళ దేహంబునకు శక్తి గరిమతో నిడి సిద్ధ పరచుము మము ప్రభువా ||పరిశుద్ధాత్ముఁడ దేవ!||