ప్రార్ధన వినెడి పావనుడా - ప్రార్ధన మాకు నేర్పుమయా

శ్రేష్టమైన భావము గూర్చి - శిష్య బృందముకు నేర్పితివి పరముడ నిన్ను ప్రణుతించెదను - పరలోక ప్రార్ధన నేర్పుమయా ||ప్రార్ధన వినెడి||

పరమ దేవుడవని తెలసి - కరములెత్తి జంటగ మోడ్చి శిరమును వంచి సరిగను వేడిన - సుంకరి ప్రార్ధన నేర్పుమయా ||ప్రార్ధన వినెడి||

దిన,దినంబు చేసిన సేవ - దైవచిత్తముకు సరిపోవ దీనుడనయ్యా దిటముగ కొండను - చేసిన ప్రార్ధన నేర్పుమయా ||ప్రార్ధన వినెడి||

శత్రుమూక నిను చుట్టుకొని - సిలువ పైన నిను జంపగను శాంతముతో నీ శత్రుల బ్రోవగ - సలిపిన ప్రార్ధన నేర్పుమయా ||ప్రార్ధన వినెడి||