♪♫
TG-4192
Telugu
రండి సువార్త సునాదముతో
Randi Suvaartha Sunaadamutho
0
views
పల్లవి
రండి సువార్త సునాదముతో రంజిలు సిలువ నినాదముతో తంబుర సితార నాదముతో ప్రభు యేసు దయానిధి సన్నిధికి (2) ||రండి||
1వ చరణం
యేసే మానవ జాతి వికాసం యేసే మానవ నీతి విలాసం యేసే పతీత పావన నామం భాసుర క్రైస్తవ శుభ నామం ||రండి||
2వ చరణం
యేసే దేవుని ప్రేమ స్వరూపం యేసే సర్వేశ్వర ప్రతిరూపం యేసే ప్రజాపతి పరమేశం ఆశ్రిత జనముల సుఖవాసం ||రండి||
3వ చరణం
యేసే సిలువను మోసిన దైవం యేసే ఆత్మల శాశ్వత జీవం యేసే క్షమాపణ అధికారం దాసుల ప్రార్ధన సహకారం ||రండి||
4వ చరణం
యేసే సంఘములో మన కాంతి యేసే హృదయములో ఘన శాంతి యేసే కుటుంబ జీవన జ్యోతి పసిపాపల దీవెన మూర్తి ||రండి||
5వ చరణం
యేసే జీవన ముక్తికి మార్గం యేసే భక్తుల భూతల స్వర్గం యేసే ప్రపంచ శాంతికి సూత్రం వాసిగ నమ్మిన జన స్తోత్రం ||రండి||