సిద్ధపరచిన గొప్ప రక్షణ నేడు చూడరండి
Siddhaparachina Goppa Rakshana Needu Choodarandi
సిద్ధపరచిన గొప్ప రక్షణ నేడు చూడరండి ధాత్రి వెలసిన యేసుపేరున పాటపాడరండి (2) ఆరాధించుడి ఆనందించుడి ఆరాధించుడి ఆనందించుడి సర్వలోక జనమా (2) ||సిద్ధ||
తల్లవుతావనే వార్త చేరేనే మరియమ్మకు కన్య మరియమ్మకు (2) కృంగిపోకనే సిద్దామాయేనే యేసయ్యకు జన్మనిచ్చేందుకు (2) ప్రభువు దాసురాలనని విధేయత చూపింది పరిశుద్ధాత్మ ద్వారానే ఇది సాధ్యం అయ్యింది ||ఆరాధి||
దూత వచ్చెనే నిజము చెప్పెనే యోసేపుకు భక్త యోసేపుకు (2) మనసు మారెనే బయలుదేరెనే చూసేందుకు చేర్చుకునేందుకు (2) దైవచిత్తాన్ని ఎరిగే ప్రవర్తన నేర్పింది వినయమనసు ద్వారానే ఇది సాధ్యం అయ్యింది ||ఆరాధి||
తార సాగెనే దారి చూపెనే జ్ఞానులకు తూర్పు జ్ఞానులకు (2) ప్రకాశించేనే ఇల్లు చేర్చేనే మొక్కేందుకు పూజ చేసేందుకు (2) క్రీస్తు దర్శనం కలిగే సహాయము చేసింది దైవబోధ ద్వారానే ఇది సాధ్యం అయ్యింది ||ఆరాధి||