వద్దు మనస బుద్ధి కురుచ

చెడ్డ తలఁపు లడ్డి నిలుపు మెడ్డెలకు నెద్దెయగు గడ్డు సాతాను నకు మెడ్డుకొని దొడ్డ ప్రభు బిడ్డవలె నడువు మిఁక ||వద్దు మనస||

నింద పాలు బొంద మేలు పొందుగను అందముగ ముందు నీ యందు వెలుఁ గొందు ప్రభు సుందర ని బంధనలు మరిచ పో ||వద్దు మనస||

ఆశ బెట్టు యేసు తట్టు దోసములు వాసి చనఁ జేసి నను మోసి కొను యేసు నిజ దాసులను బాసి యుండకు మిఁక ||వద్దు మనస||

బెండు పడకు నిండు విడకు దండి గల తండ్రి యొడ యుండు యేసుండు నీ యండ నుండఁగ నీ గుండె దిగు లేల యిఁక ||వద్దు మనస||

పట్టు విడకు దిటము సెడకు నెట్టుకొని ముట్టడిగఁ జుట్టుకొను కష్టముల బిట్టు విడఁగొట్టు ప్రభు తట్టు కనిపెట్టు మిఁక ||వద్దు మనస||

మంచి గుణము లెంచికొనుము వంచనల మించి గ ర్వించి నీ దు ర్భావముఁ ద్రుంచు ప్రభు నొద్ద గురి యుంచి ప్రార్ధించు మిఁక ||వద్దు మనస||